Il suddetto Re di Aragona ordina al Governatore, ed agli altri uffiziali Regi di Sardegna, che procedano rigorosamente contro gli autori del misfatto commesso sulla persona di Dottino Bonaria, Chiarento, e Pasqualino da Piombino distrettuali di Pisa, i quali, capitanando tre barche cariche di merci, erano stati assaliti nel 1351 da una galeotta armata nei mari di Terranuova, luogo marittimo dell’isola, spogliati di ogni avere, e barbaramente uccisi con tutto l’equipaggio.

(1353, 14 febbraio).

Dall’Archivio I. R.  delle Riformagioni di Firenze, classe e distinzione suddetta, Docum. num. 31.

Petrus Dei gratia Rex Aragone, Valentie, Maioricarum Sardinee et Corsice Comesque Barchinone Rossilionis et Ceritanee dilecto nostro gubernatori Sardinee regni qui nunc est vel qui pro tempore fuerit vel eius locum tenenti ceterisque officialibus nostris vel eorum loca tenentibus ad quos presentes pervenerint salutem et dilectionem. In nostre magestatis presentia constituti nobiles et dilecti Iohannes de Herisiis decretorum doctor et consiliarius noster et Iohannes Buzaccharini miles nuntii sive ambaxiatores ad nos pro hiis et aliis negotiis per honorabile comune pisarum noviter destinati exposuerunt graviter conquerendo quod anno  Domini millesimo trecentesimo quinquagesimo primo Doctinus Bonavie de Plumbino Chiarentus de Plumbino, Paschalinus de Plumbino pisani seu districtuales Comunis pisarum cum suis barchis diversis rebus et mercibus oneratis causa vehendi easdem apud pisas, in mari prope locum de Terranove ynsule supradicte fuerunt per quendam lembum chatalanis seu gentibus nostris armatum per gubernatorem tunc dicte ynsule ad eiusdem guardiam ut asseritur deputatum capti et cum omnibus marinariis seu ductoribus ipsarum barcharum crudeliter ac immaniter interfetti ac etiam disraubati contra pacem inter nos et dictum comune initam et concordiam antiquitus observatam propter quod fuit nobis per dictos ambaxiatores sive nuntios humiliter supplicatum ut de predictis sic enormiter factis ac propterea perpetratis restituctionem integram et iustitiam in talibus debitam breviter fieri facere mandaremus. Quarum ipsorum nuntiorum supplicationum prout convenit annuentes dictamque pacem et concordiam servare volentes vobis et vestrum cuilibet dicimus et districte precipiendo mandamus, quatenus constito vobis de predictis, quilibet vestrum infra jurisdictionem sibi commissam si dictos malefactores reperire poteritis capiatis et contra ipsos et eorum bona sic fortiter ac rigide pcunte iustitie procedatis quod premissorum punitio eis cedat ad penam et ceteris ad terrorem aliique eorum exemplo perterriti talia vel similia facere pertimescant. Et nichilominus de bonis ipsorum in rebus mercibus et aliis dictis pisanis seu districtualibus dicti comunis per predictos ablatis seu disraubatis vel eorum iusto pretio aut valore satisfactionem condignam et integram fieri faciatis habendo vos taliter in premissis quod dictum comune de nobis non habeat hac de causa iustam materiam conquerendi nec propter defettum iustitie in vobis inventum. Nos vobis oporteat pro predictis scribere iterato. Quoniam nobis plurimum displiceret vosque perinde graviter puniremus. Datum Valentie decima quarta die februarii anno a nactivitate Domini millesimo trecentesimo quinquagesimo tertio. Ex auctoritate regia.