XXVI.

Ugone III di Arborea scrive a Don Giacomo II. re di Aragona, che la flotta pisana, composta di trentasei galee, e di molti altri legni, avea approdato tre giorni avanti nel porto di Terranuova (in Sardegna); che sulla medesima vi erano mille dugento cavalli, e cinquemila fanti, oltre molte altre genti d’arme, che i pisani aveano nell’isola; ch’egli n’avea subito dato avviso all’Infante D. Alfonso, il quale trovavasi all’assedio di Cagliari; e che perciò esso re D. Giacomo si affrettasse di spedire senza ritardo buoni rinforzi d’armi, e di armati.

(1324, 19 febbraio).

Dai Reg. Archiv. di Barcellona, Armar. VIII. Sardiniae, Num. CCCLXXXV.

Excellenti, et Magnifico Principi Domino Iacobo, Dei gratia, Aragonum, Valentiae, Sardiniae, et Corsicae Regi, Comitique Barchinonae, Sanctae Romanae Ecclesiae Vexillario, nec non Capitaneo Generali; Ugo Vicecomes de Basso, eadem gratia, Iudex Arboreae, semper, et ubique se totum. Vestrae noverit Maiestatis Regiae celsitudo: quod die Iovis proxime praeterita XVI. presentis mensis februarii, armata pisanorum pervenit, apud Portum Terrae Novae Insulae Sardiniae, et est dicta armata, galearum triginta sex, et aliorum lignorum, et usceriorum, in maxima quantitate, in quibus sunt milites M.CC. videlicet M. Teotonici equites, et CC. Cives pisanae civitatis, equites, et quinque milia hominum peditum, balestrariorum, et galdaneriorum, sine alia copia gentium, qui sunt in dicta insula Sardiniae, ad ipsorum pisanorum mandata, atque devotionem, quam novam statim cum habui de illis partibus, sine morae dispendio per ipsum cursorem, et nuntium specialem inclito Domino Infanti Alphonso vestro primogenito, per meas destinare curavi litteras speciales, apud obsidionem vestram Castelli Castri, in qua quidem Dominus Infans, cum gente vestra praesentialiter moram trahit. Cum quibus novis ego ad ipsum Dominum Infantem personaliter devenissem, nisi esset corporea infirmitas, quae post captionem, et adquisitionem Villae Ecclesiae, et postquam inde recessi habita dicta terra me totaliter occupavit. Unde cum de ipsorum pisanorum adventu est non immerito dubitandum, propter multa, quae inde occurrere possent, est super his modis omnibus providendum. Quare vestrae Excellentiae praedictam novam describens rogo magnificam celsitudinem vestram, quibus valeo praecibus exorandam; quod vobis placeat super his taliter providere, et his tale consilium, et auxilium viriliter impertiri, quod ad vestrae Regiae Maiestatis, atque vestrorum statum cedat pariter commodum, et honorem, et pradictorum inimicorum confusionem finalem, et perpetuum detrimentum, mittendo in insula praefato Domino Infanti bonae copiam gentis vestrae, tam equitum quam peditum, et etiam galearum armatarum quantitatem aliquam competentem, prout ad obviandum praedictorum iniquitati videritis salubriter convenire. Et cum sit certum et consonum rationi, quod mora trahit ad se periculum, magnificae potentiae vestrae placeat gentes vestras praedictas, tam equitum, quam peditum, galeas praedictas in insula Domino Infanti, atque vestris necessarias ut praedixi, eidem transmittere viriliter, et potenter, sine temporis intervallo, ne propter ipsarum vestrarum gentium, et galearum absentiam, possit vobis, et praedicto Domino Infanti, sinistrum atque periculum aliquod generari.

Datum intra mēā (1) Arestani XIX mensis februarii.

NOTE

(1) Mēā, cioè moenia.