Il Re di Aragona Don Alfonso V conferma alla Città di Alghero il privilegio che le avea accordato nel 28 luglio 1383 il Re Don Pietro IV, in virtù del quale tutti coloro che attendevano alla pesca del corallo nei mari Sardi, dal Capo di Napoli all’isola dell’Asinara, erano tenuti a far porto, e dogana in detta Città di Alghero.

(1444. – 30 settembre).

Dagli Archivi della Città di Alghero.

Alfonsus Dei gratia Rex Aragonum, Siciliae citra et ultra farum, Valentiae, Jierusalem, Hungariae, Maioricarum, Sardiniae, et Corsicae, Comes Barchinonae, Dux Athenarum, et Neopatriae, ac etiam Comes Rossilionis, et Ceritaniae, Magnifico et Dilectis Consiliariis Nostris Viceregi et Gubernatori Generali, ac Gubernatori et Reformatori in Capite Lugudorii Regni praedicti, Vicario etiam Villae Alguerii, et aliis Officialibus universis et singulis, ad quos spectet, et eorum locatenentibus, praesentibus et futuris, salutem et dilectionem. Vidimus quoddam Privilegium, Statutum, et Ordinationem Illustrissimi memoriae celebris Domini Regis Petri Proavi Nostri tenoris sequentis: – Nos Petrus Dei gratia Rex Aragonum, Valentiae, Maioricarum, Sardiniae, et Corsicae, Comes, Barchinonae, Rossilionis, et Ceritaniae. – Ut vos fideles nostri Villae Alguerii, qui propter guerrarum strepitus, qui diu in Sardiniae insula viguerunt, et alias nimis estis oppressi, suscipiatis aliquod relevamen, curaque nostra valeat augmentari, tenore praesentis providemus, statuimus, et ordinamus, quod de caetero omnes barquae perquirentes, seu trahentes corallum a maribus de Cap de Napoli usque a sa Linayre (1), habeant, et teneantur degere, et facere portum suum in Villa Alguerii, et non alibi, quodque solvant et solvere teneantur illud majus jus quod pro dicto corallo solvi est assuetum, tam per habitatores dictae Villae, quam per extraneos, et hoc sub poena amissionis suarum barcarum, ac rerum et mercium suarum, quibusvis litteris aut concessionibus per nos factis seu fiendis alicui seu aliquibus in contrarium, quas praesenti serie revocamus, obstantibus nullo modo: Mandantes expresse Gerenti vices Gubernatoris Logudorii, Duaneriis, et aliis Officialibus dictae Villae, quod si per importunitatem, aut sugestionem aliquorum forsitan a nostra Curia literae aliquae in contrarium emanerent, illas non observent, nec obediant eis nullo modo. Mandamus igitur ipsis Nostris Officialibus, quod hanc nostram ordinationem, et provisionem teneant firmiter et observent, et contra non faciant quavis causa. In cujus rei testimonium praesentem fieri jussimus nostro sigillo munitas. Datum in Monasterio Populeti 28 die de Julii, anno a Nativitate Domini 1383. – Rex Petrus – : Et comprehendentes aperte per tenorem praedicti privilegii, statuti, et ordinationis, quod omnes barquae perquirentes, seu trahentes corallum ab equoribus del Cap de Napoli usque a la Linayre, tenentur degere, et facere portum in Villa Alguerii, et non alibi, et solvere ibidem illud majus jus, quod pro dicto corallo per habitatores, et extraneos dictae Villae solvi assuetum, et hoc sub poena amissionis suarum barcarum, rerum et mercium; Vobis propterea, ad supplicationem nomine et pro parte universitatis dictae Villae humiliter Nostrae Serenitati factam, et pro observatione jam dicti privilegii, et statuti, dicimus et mandamus scienter, et expresse, sub incursu Nostrae indignationis, et irae, ac poena duorum millia florenorum auri de Aragonum Ærario Nostro quoties committatur applicanda, quatenus contrafacientes quoscumque, seu renitentes facere in omnibus, et per omnia, dicto privilegio, ordinationi, et statuto, remediis quibus convenit, juxta privilegii praeinserti continentiam, distringatis, compellatis, exequamini, et forcietis; alias oporterit Nos circa hujusmodi praejudicium erga vos, et eos debite providere, cum nequeamus universitati dictae Villae in sui justitia, et privilegiorum suorum observatione aliquatenus deficere. Datum in Castro novo Civitatis Neapolis die ultimo Septembris, anno a Nativitate Domini MCCCCXLIV. – Rex Alphonsus. –

In Sardiniae primo. – Registratus et Registrata.

(1) Cioè, dall’odierno Capo Manno all’ovest fino all’isola dell’Asinara al Nord della Sardegna.