Don Giovanni II Re di Aragona accorda a Giacomo Carroz, conte di Quirra, indulto e remissione di tutte le pene, nelle quali era incorso, assieme a’ suoi vassalli e dipendenti, pe’ crimini e delitti commessi in Sardegna; annulla tutti i processi e tutte le sentenze che per tal motivo fossero stati già fatti e già proferite; ed eccettua da questa grazia i crimini di prodizione, di omicidio, di falsa moneta, di scherania, di eresìa, e di crimenlese; ed eziandio il caso speciale della preda di una galeotta di certo Busquets, fatta nei mari dell’Ogliastra.

(1464. – 7 marzo).

Dai Regii Archivi di Barcellona, Registr. Sardiniae, IV, ab ann. MCCCCLXI ad MCCCCLXIX, fol. 114.

Nos Ioannes, Dei Gratia, Rex Aragonum, Navarrae, Siciliae, Valentiae, Maioricarum, Sardiniae, et Corsicae, Comes, Barchinonae, Dux Athaenarum, et Neopatriae; ac etiam Comes Rossilionis, et Caeritaniae. Opus in nobis, Clementia suadente, perficimus, si lapsis interdum, et per lubrica culpae deliramenta cadentibus, ad sublevandum remedia, cito nostra manus habilitat, et indulgemus obnoxijs veniam post reatum. Volentes nos erga vos Egregium, et dilectum nostrum Jacobum Carròz, Comitem Quirrae, et Vassallos, Officiales, et Servitores vestros misericorditer, et gratiose nos habere, respectu servitiorum per vos Maiestati nostrae impensorum, et illorum praesertim, quae praestare Maiestati nostrae pollicitus estis, tenore praesentis Cartae nostrae deliberate, et consulte liberaliter, et gratiose, omnia, et quaecumque crimina, excessus, et delicta, per vos dictum Comitem, vestrosque officiales, vassallos, servitores, et subditos, vel etiam per corpora Universitatum, Villarum, Terrarum, et locorum vestrorum, et singularium personarum eorundem, commisa, et perpetrata, quantumcumque gravia sint, usque in presentem diem, benigne, et gratiose remittimus, indulgemus, et perpetuo, et plenissime relaxamus, et perdonamus: dum tamen vos dictus Comes, Vassalli, Servitores, et Officiales vestri crimen proditionis, homicidii, resistentiae, fabricationis falsae monetae, haeresis, Sodomiae, fractionis itinerum, et viarum publicarum, et crimen lesae non commiseritis, in primo Capite Maiestatis. Nec volumus in hac remissione comprehendi casum capcionis Galiotae dictae Den Busquets, per vos nuper intus Flumayran Indicatus Oleastri captae. Remittimus etiam, relaxamus, et perdonamus vobis dicto Egregio Comiti, Vassallis, Servitoribus, et Officialibus vestris, omnes poenas corporales, et pecuniarias, mulctas, et bonorum confiscationes, et aliud quodvis genus poenarum, in quibus vos dictus Comes, dictique Officiales, Subditi, Servitores, et Vassalli, ac Universitates praedictae, in genere, vel in specie incurristis: ita qaod ratione, occasione, praetextu, sive causa praedictorum excessuum, criminum, delictorum, et maleficiorum, praefatis Criminibus superius dictis exceptis, contra vos dictum Comitem, vestrosque Officiales Servitores, Vassallos, subditos, ac Universitates praedictas, per nos, aut Curiam nostram, Vicerreges, Judices, et Commissarios nostros quoscumque praesentes, et futuros, non possit, nec valeat procedi, seu quomodolibet actitari, nec de eis aliqua consideratio haberi, etiam quo ad simplicem informationem Curiae, nec quoad futura crimina aggravandum; Quinimo Processus omnes, et singulos contra vos dictum Comitem, dictosque Officiales, Servitores, Vassallos, et Subditos vestros, tam in genere, quam in specie, inceptos, initiatos, vel factos, seu actitatos, et sententias quascumque forsam inde latas, et promulgatas, de nostra certa scientia, cassamus, irritamus, et anullamus, et pro cassis, irritis, et nullis deinceps haberi volumus. Quocirca Illustrissimo, et charissimo filio Primogenito, et in omnibus Regnis, et terris nostris Gubernatori generali, postque nostros felices dies haeredi, et successori nostro Ferdinando Duci Montisalbi, Comiti Ripacurtiae, ac Domino Civitatis Balagarii, sub Paternae benedictionis obtentu, dicimus: Vicerregi vero in dicto Regno Sardiniae, et Gubernatori in Capite Callari, et Gallurae, Gubernatori, et Reformatori in Capite Lugudorii, Procuratori Regio, Vicariis, Potestatibus, Consiliariis, Juratis, aliisque universis, et singulis Officialibus, Iudicibus, et Commissariis, Ordinariis, aut Delegatis, quibusvis Officiis, Dignitatibus, Potestatibus, et Praeheminentiis fungentibus, in Regno praedicto Sardiniae, quomodolibet, constitutis, et constituendis, dictorumque Officialium Locatenentibus, praesentibus, et futuris, dicimus, praecipimus, et jubemus quatenus indultum, et remissionem nostram hujusmodi, et omnia, et singula in ea contenta, vobis dicto Comiti, dictisque Officialibus, Servitoribus, Subditis, et Vassallis vestris, ac Universitatibus Villarum, et Locorum vestrorum praedictorum, teneant firmiter, et observent, et faciant ab omnibus inviolabiliter observari, et non contrafaciant, vel veniant, aut aliquem contrafacere, vel venire permitant, ratione aliqua, sive causa, quanto dictus Illustris Princeps nobis obedire, caeterisque Officiales nostri praedicti gratiam nostram charam habent, Iramque, et indignationem nostram, ac poenam quinque milium florenorum, à contrafacientium honis irremisibiliter exigendorum, nostrisque aerariis inferendorum, cupiunt non incurrere.

In cujus rei testimoniorum, praesentem fieri jussimus nostro communi Sigillo in pendenti munitam. Datum in Civitate Tutelae, die septimo Martii, anno a Nativitate Domini MCCCCLXIIII. Regnisque nostri Navarrae anno XXXVIIJ aliorum vero Regnorum nostrorum septime.

Rex Joannes.

Dominus Rex mandavit mihi Joanni Chrispian, visa per Vicecancellarium, Regentem Thaesaurariam Generalem, et pro Conservatore.