¹Constituimus et ordinamus qui si alcuno esseret isbandidu dae sas terras nostras pro homicidiu over per alcuna atera occasione pro sa quale deberet morre et beneret ad alcuna dessas villas nostras senza essere fidadu et basadu per nos, siant tenudos sos iurados et hominis de cussa villa de tennere·llu et batiri·lu a sa corte nostra. ²Et si non lu tennerent et batirint secundu que est naradu de supra, paghint sa villa manna assa corte nostra pro sa negligensia issoro libras .xxv. et ipsa villa pizina libras .xv., et iso maiore de cussa villa de per se libras .x. et ciascuno iurado libras .v. ³Et ciò s’intendat si sus hominis de cussa tali villa illu ischirint et alcuno homini de sa dita villa illu recivirit et receptarit cussus talis isbandidus palisimenti et at fura et darit·illi aiuda, consigiu o ffavore, si ’lli est provadu, paghit assu rennu libras .c. ⁴Et si non paghat isso o atero homini pro se istet in presone ad voluntadi nostra, salvu si cussu isbandidu beneret a domo de sa mogere over dessu padri o de sa mamma o dessu avio et avia o dessu figio o ffigia o dessu fradi o dessa sorre carrali. ⁵Que cussas persones non siant tenudos assa maquicia dessas preditas liras chentu in tottu ne in parti.

7.3.         darit·illi] daris illi