¹Item ordinamus qui si alcuno homini de sa terra nostra de Arbaree si partirit pro andare at istare dae ss’una curadoria a s’atera, cussu officiale de cussa curadoria ad hui at esser andadu ad istare siat tenudo de fagheri paghare ass’atero officiali pari suo, quando illu adimandarit, cussas raxiones qui debent pagare a nnos prossu officiu suo. ²Et icussas raxiones c’at aver a dimandare s’unu officiali ass’atero prossos hominis c’ant esser partidos dae ss’una curadoria ass’atera, siat tenudo ciascuno c’at aviri a rreciviri de dimandare sas raxiones suprascriptas duas boltas s’annu, ciò est pro corona de Loghu de sanctu Nichola et pro corona de Loghu de sancto Pedro de lampadas. ³Et de ciò su officiali non constringhirit nen deppiat agravare su maiore over alcuno iuradu pro mandare·llas a gholliri alcunas raxiones foras dessa curadoria issoro. ⁴Et icussu curadore over officiali qui at fagheri secundu qui narat de supra, per ogna volta qui ’ll’at esser provadu qui contra faghirit, siat condemnadu de paghare assa camera nostra soldos chentu. ⁵Et siat cretidu su officiali over curadore c’at aviri adimandadu sas raxiones c’at aviri a rrecivire dae s’atero officiali pari suo a sagramentu suo.

96.2.       sas raxiones suprascriptas] sas raxiones secundas
96.2.       corona de Loghu de sanctu Nichola] corono de Loghu de sanctu Nichola