¹Item ordinamus qui sus officialis nostros tottu de Arbaree siant tenudos ciaschaduno in sa coradoria sua de provare et de investigare sas furas et largas et issas maquicias qui si loy ant faghere in sas dictas co‹n›tradas et batiri iscritu tres voltas s’annu in sa camera nostra, zò est pro corona de Loghu de Sanctu Marcho et pro corona de Sanctu Nichola et pro corona de Plama. ²Pro ciò bolemus creder et dari fidi assu officiali de cussu qui ’nd’at provare et narri, comente et assos iurados de Loghu totu. ³Et similimenti bolemus qui su officiali nostru pregontit sos iurados dessas villas afeadas pro sas maquicias qui si ’lloe ant faghere et batiant·inde su iscritu a sa camera nostra, zò est de cussas maquicias de sanben qui si loy ant faghere et qui si loy apertenent a sa ragione nostra.

20.1.       co‹n›tradas] cotradas
20.2.       Pro ciò] Pro cie
20.2.       de cussu qui ’nd’at provare et narri] de cussu quandat provare et narri