¹Item ordinamus qui si alcuno homini intrarit per forza a domu d’alcuna femina coyada et tenent·bie·llu et non l’apat apida carnalimenti et est·inde binchido legittimamente, siat iuigadu a pagare liras .c. ²Et si non pagat a dies .xv. de c’at esser iuygadu, seguent·illi una origa tota. ³Et si alcuno homini esseret tentu cum alcuna femina coyada in domo dessa femina et esseret voluntadi de sa femina, cussa codali femina siat afrustada et fostigada et ispossedida dessos benes suos totu et de sas raxones suas gasi de dodas comenti de ateros benis et romangat a su marido et non a ffigios qui avirit cum cussu marido et ne cum atero marido ch’averet apidu per innantis et ne ad atero parente suo, exceptu ad plaghere de cussu marido cum su quali avirit factu sa dita fallanza. ⁴Et issu homini cun su quali esseret acaptada non siat frustadu, ma deppiat pagare infra dies .xv. de c’at essere iuygadu libras .c. ⁵Et si non pagarit infra su dictu tempus, siat·illi segada una origa in totu. ⁶Et zò non si intendat pro feminas qui siant publicas meretrices nen anchu in casu qui sa femina andarit a domo de su homini over de atera persona qui non esseret habitatione dessa dita femina. ⁷Qui in cussu casu su homini paguit libras .xxv., ma sa femina siat afrustada ut supra.

22.1.       tenent·bie·llu] tenent hi ellu
22.2.       de c’at esser iuygadu] de c’at esseret iuygadu
22.2.       seguent·illi] seguent illu
22.3.       coyada] coayda
22.4.       acaptada] acaptadu