¹Item ordinamus que si alcuna persona furarit covallu rude, ebba, vaca, boe over molente dessu rennu, paghit pross’unu deghe. ²Et si est de clesia o de atera persona paghit pross’unu quimbi et de maquicia libras .xv. prossa fura primargia, secundu qu’est naradu de subra. ³Et si non paghat infra dies .xv., siat segada una origla. ⁴Et pro sa secunda fura paghit libras .xxv. infra dies .xv. de c’at esser iuygadu et si non paghat isso over atero homini pro see tagint·illi s’attera origla. ⁵Et dae ssas duas furas in susu affurchent·illu.