¹Item ordinamus qui si alcuna persona si lamentarit de fura de domo qui ’lli at esser facta, si non est facta /9r/ in muro segadu o in gienna seghada o in fenestra seghada over in cobertura seghada, deppiant andare assu curadore a lamentari·si et issu curadore siat tenudo de andari cun ssos iurados dessa villa chircandu et investigando cussa fura. ²Et si achaptant su cabudu de sa fura, cussu in domo de qui ’ll’ant acaptare sa cosa furada mostret comente siat sua propria o de alcuna persona qui si ’ll’averit acomandada et dae qui ’ll’at aver comporada. ³Et si cussa prova non mostrat, paghit cussa fura ad icussu at qui esseret facta a sagramento suo qui ’ndi ad fagheri in manu dessu officiali. ⁴Et paghit de maquicia assa corte libras .l. infra dies .xv. de c’at essere iuygadu. ⁵Et si non paghat isso over atero homini pro ssee, seguent·illi una origla prossa fura primargia et dae ssa primargia infurchent·illu qui ’ndi morgiat. ⁶Et si non si acaptarit su chabudu dessa fura, chertent·indi cussu qui ad aviri recivido su dampno cum quimbi hominis de sa villa ad qui ’ndi ad aviri suspectu in cussu modo, ciò est qui cullu qui dimandat sa causa et narat qui siat sua et qui si ’lli siat furada mostret et provet qui cussa causa sia sua peghugiare. ⁷Et si non mostrat, deppiat iurare culle a qui s’at acaptare qui non si ’ll’at furada nen levada issu nen atere pro see. ⁸Et iuradu qui at averi siat libero et non siat tenudo a pena nen condemnaptione peruna.

34.3.       paghit cussa fura ad icussu at qui esseret facta] paghit cussa fura ad icussa at qui esseret facta
34.5.       seguent·illi] seguent illu
34.6.       aviri suspectu] avir isuspectu
34.6.       cussu modo] cussn modo