¹‹I›tem ordinamus qui sos jurados siant tenudos de provare sos covallos domados et ebbas domadas et issos boes domados et molentis qui ss’ant ochiere a ffura o qui ss’ant a ffurare in sa villa o in habitacione dessa villa, et si no ’llu provant paguint sas furas ad sos pobillos comunalimenti sos jurados cun sos hominis tottu dessa villa.

²Et icusso bestiamen c’ant acaptare sos majores de pardu ispaciadu a de noti, çiò est covallu domadu, ebba domada, boe domadu et molenti, qui siant tenudos de ’llu tenne et batire·llu ad sa corte, et issos iurados ind’appant de cussos qui ant batire ad sa corte sa terça parte dessas tenturas. ³Et çiò si intendat pro boes domados qui in cussu tempus qui si pasquint a muda si tenerent, pro qui debent dormire in sa corte, et appant·inde su terçu ut supra.

⁴Et si alcuno majore de padru [ove]r [atera persona miteret alcuno bestiam]en dessu qui est naradu d[e supra dae foras at intro paghit soldos binti per ciaschuna bolta et per ciaschuna bestia si ’ndi est convinto].

1. habitacione | juredicacione ; habitatone A
2. çiò | i è sovrascritta a una o // pro boes domados | per boes domados ; pro boes domadus A
3. [per ciaschuna bolta] | pro ciaschuna bolta A