¹Volemus et ordinamus qui sos iuradus siant tenudos, ciaschuno in sa curadoria sua, de provare sos cavallos domados et issas ebbas domadas et issos boes domados et molentes qui s’ant hochier a ffura o qui s’ant furare in sa villa o in habitat‹i›one dessa villa. ²Et si non lu provarint, paghint sa fura a sos pubillos comunalimente sos iuradus cun sos hominis tottu de sa villa. ³Et icussu bestiamen c’ant achaptare sos iuradus de pardu ispeciadu a de nocte, ciò est covallu domado, ebba domada, boe domadu et molente, siant tenudus de ’llu tenne et bature·llu assa corte et issos iuradus indi appant de cussu qui ant batire a sa corte sa terza parte dessas tenturas. ⁴Et ciò si intendat pro boes domadus, qui in cussu tempus si paschit a muda, si tenerent, pro qui debent giaghere in sa corte et appant·indi su tersu, secundu qu’est naradu de supra. ⁵Et si alcuno maiore de pardu over atera persona miteret alcuno bestiamen d’issu qu’est naradu de supra dae foras at intro paghit soldos binti pro ciaschuna bolta et per ciaschuna bestia si ’ndi est convinto.

38.1.       habitat‹i›one] habitatone